試用：Sense Organics 100%天然有機棉衫

近日睇到新聞報道, 結果都真是幾令人擔心 多款童裝含有致癌物質, 兒童長期穿著，輕則引發兒童皮膚敏感或發炎，重則導致兒童不正常早熟， 甚至損害器官或患癌 連多個國際大牌子的童裝如是 家長們可謂防不勝防 今次幸運地可以試用有機棉嬰兒服飾品牌Sense Organics 嘅產品 對呢個品牌認識並唔深,所以順便上網睇下資料 Sense Organics 的BB衫來自德國的品牌,係100%有機棉，佢哋一直提倡使用生態棉花已經接近二十年，仲拎到「全球有機紡織品標準 Global Organic Testile Standard, GOTS」認證，出品嘅衫係選用天然、無毒、舒適嘅有機棉料製成 上星期到BamBini 寶貝兒的門市挑選試用衣物 BamBini門市都幾大,有好多唔同品牌嘅產品，細至牙膠玩具，大至BB床等， 應有盡有 當日,我因為遲收工,臨近門市關門先到達,但她地d服務真係好好,仲好好耐性介紹產品,叫我慢慢揀(真係要比個like),下次我一定會過去買野,慢慢睇,慢慢揀 試用的款式可以自選 款色簡單,但顏色,圖案都好好睇 (最後,我係揀左呢件) 紫色間條,仲有隻好可愛雀仔 件衫質地真係超柔軟,摸上手係好滑身,又好有彈性,唔焗身 領口位設計方便,可以撐大，好容易著上身又唔驚小朋友刮到 而且Sense Organics的服飾系針對敏感皮膚的BB,所以小朋友著得舒服,家長買得放心 話時話,我一直都以為有品牌嘅bb有機衫一定會好貴，但原來都唔一定嘅 我 揀的呢件衫,都只是$138 真系好抵! 阿女以後買衫,又多左一個好好的選擇 今次的試用產品由BamBini寶貝兒& MyBB.com提供 有興趣的朋友們可以參考以下網址： Sense Organics 網址: http://www.sense-organics.com/ BamBini網址: http://www.bambinishop.com.hk 寶貝兒 (BamBini) 母嬰用品專門店 地址: 九龍佐敦白加士街26-32號盛華商業大廈1字樓全層 (佐敦港鐵站C2出口) 電話: 2730 0798

拆禮物

2014,天晴

好的開始

除夕,唔知大家過得如何呢?

YU媽一家只是係屋企睇下電視

安安樂樂中度過

事關,YUYU 仲細,如果天寒地凍,夜麻麻帶她出去倒數

YU媽絕對相信係”自討苦食”

 

岩岩過去的聖誕同除夕,YUYU都收到唔少禮物

有得食有得玩

睇下她,拆不停手,幾開心^O^

小朋友,真係好容易滿足

 

(糖糖真是好美味,YU媽都偷食左唔少^O^)

 

(呢個是YU爸送比我架,搖搖搖,隻木馬真是好好玩,又有音樂聽...坐在上面好威架!)

 

(呢個是YU爸送比我架,搖搖搖,隻木馬真是好好玩,又有音樂聽...坐在上面好威架!)

 

 

 

 

 

 

Happy New Year!

12月31日

告別2013,迎接2014

一日之計在於晨

一切就由呢個早餐開始並總結

高鈣鮮奶蜜糖脆脆+果仁

 

平平無其的早餐,外表並不討好,但營養豐富

好比整個2013年,本來平平淡淡的生活,因為YuYu的出世變得多姿多彩

由年初,粉團似的初生嬰

到宜家,會爬會走會叫爸媽

我不得不感慨: 真是了不起!

 

為淡而無味的麥片添加果仁

苦中作樂

家庭事業兩兼顧

真是一D都唔容易

興幸有家人同朋友的支持

YuYu真是好乖好得人愛

 

2014年

別無多求

但求一家繼續健康快樂!

 

YuYu話: 咬緊牙關,NEVER GIVE UP!

 

多一點空間

YuYu,13 Months

不過到宜家她都未識行

其實,我一點都唔著急

不過,如果拜年時,她學識行,又真是會好玩好多

一於帶她去叉叉電順便學學行

康樂及文化事務署--兒童遊戲室

我呢個做阿媽,孤陋寡聞>.<

從來都唔知有呢個好地方

小朋友,就是需要一個大的空間

呢度,地方大,又有軟毽

她可以周圍爬周圍走

一D都唔使擔心她跌親

小朋友,永遠都是最開心!

 

家鄉咸湯圓

冬大過年

是!香港人都幾重視呢個節日架

難得一家人團聚食餐飯,

幾忙,都應該停一停,食呢一餐飯

我屋企有個傳統

冬至,食咸湯圓,喻意一家團團圓圓

材料簡單, 但準備需時

因為全部野都是要切切切

呢個是我最鍾於節日食物

唔需要大魚大肉,都可以食得好美味!

 

食譜:

材料: 白蘿蔔,大白菜,菜心,臘腸,豬瘦肉,魚膠,蝦膠,湯圓

 

準備工作:

1)      魚膠蝦膠加果皮,蔥花,芫茜加生抽加糖,重手在碗上翻打幾次,打至起膠

2)      豬瘦肉切條 加生抽,糖,鹽,少少豆粉

3)      白蘿蔔,大白菜,菜心,切條

4)      臘腸切粒

5)      糯米粉加暖水,搓成粉團再搓成湯圓

 

方法:

1)      臘腸粒加蔥頭起鍋,加入水,同時加白蘿蔔

2)      白蘿蔔六成熟,落大白菜,菜心,豬瘦肉,魚膠,蝦膠,

3)      最後落埋湯圓

4)      滾透,落鹽,試味

 

PS,調味料多少視符個人喜好.

 

熱情寶寶泡泡浴 - (暖笠笠冬天)

凍!凍!凍!凍!

踏入十二月天氣真係明顯轉凍!

收到SHE.COM寄來,加拿大的品牌Bellybuttonandbabies「熱情寶寶泡泡浴」

仲要係冬季推出限量版的

真係暖笠笠冬天

 

 

YuYu平時沖涼,我都會在浴盤中放幾隻”鴨仔”比她玩.

哈哈,宜家有左呢支沐浴泡泡,真係連玩具都可以收埋

事關倒入少少淋浴露入水,用手輕輕撥開,就有好多好實凈的泡泡

阿女真是好鍾於泡泡,玩到沒停手

 

講真,我都幾鍾於架, 因為它味道好清新,據聞是加入香甜的甜橙油, 仲有效預防感冒.(預防勝於治療, 如果真是可以起到作用,呵呵,我真是會一年365日比阿女用架^0^)

玩完泡泡浴之後，我會用清水略略地在沖一次. (可以免沖洗)

上水,用毛巾抹乾身,再搽上潤膚露. 乾淨又和暖,可以訓返個好覺啦.

試用-澳健寶至尊羊胎王

女人真是不得不承認,老一年,皮膚真是一年比一年差.

生左個女之後,又要工作,又要照顧個女,再加上嚴重睡眠不足,真是身心疲累,再唔”執”下自己個樣,我都相信, 我離”黃臉婆”都不遠乙…

 

講返正題,是女仔都貪靚,所以點都應該有聽過胎液的功效. 今次可以試用澳健寶至尊羊胎王,真是雪中送炭.

謝謝MYBB

 

羊胎王於澳洲以納米技術製作，有效淡化雀斑、黃褐斑、黑色素沉澱、老人斑、痘痘印及疤痕, 亦增加皮膚彈性, 去黃淨白去印，收緊鬆弛，淡化幼紋
使用方法, 早晚要1-2 滴塗抹乾爽潔淨的整個臉部肌膚上, 加以輕柔按摩，或以導入器導入

 

我眼角有幾點色斑,都困擾左我耐,慶幸沒嚴重左,但一直都沒辦法減退.希望呢支

羊胎王真是可以幫到我.可以淡化少少,我都心滿意足而.

 

呢幾日,早晚左右眼角各一滴原液(超濃縮羊胎原液,真是滴滴珍貴),所以一滴搽開就可以了.

細細支,都可以用好耐!

 

 

為左比大家睇到效果,滴左一滴在手, 無色無味,好滋潤,推開之後,好快就比皮膚吸收. 無”痴立立”感覺 (呢點,我最like)

 

 

色斑,真是唔是三日兩日就可以解決,真是要堅持用上產品一段時間先有希望見到效果.所以,做女人, 真是唔懶得.

 

提外話,除左超濃縮羊胎原液外, 仲提供左一樽純靈芝孢子.真是岩晒我,事關,我鼻敏感問題困擾,已經食左靈芝孢子有大半年.

 

是嘛真是有效? 當是一種保健食品都無壞. 點都好,適當飲食同運動是最重要.

精神好,人都靚D.

 

更多資料查詢,可以瀏覽網頁： http://www.opalhealth.hk/index.asp